Heppinn......... ? -----> NEI

Þetta er náttúrulega alveg með ólíkindum. maður er nýbúinn að fá útborgað eftir mánaðrmót, fer í búðina og verslar fyrir morðfjár og fyllir ískápinn og frystinn og hvað svo......helvítis óisskápurinn og frystirinn ónýtur, magnað ekki satt......... !

Ekki nóg með þetta þá er andskotans bíldruslan sem Hekla vill ekkert gera með aftur endanlega hrunin og búillinn enn og aftur kominn á "sjúkralistann" sem sagt ónothæfur.
Núna er pústið hrunið á bílnum og ekkert hægt að nota helvítis jálkinn og ísskápurinn/frystirinn bara ónothæfur líka, spurning um að flytja bara í fellyhýsið og geyma matinn bara í kæliboxi.

Annars var skropið að veiða í gær í vægast sagt skítakulda, en að sjálfsögðu var ekkert að hafa nema kuldabolabit.

Bílaumboð

Langar bara að deila með ykkur lesendur góðir að passa ykkur á bílaumboðum, þá sérstaklega Heklu þar sem ég á ekki góða sögu að segja frá því umboði.

 

Ég keypti þar bíl rétt fyrir jólin 2007 og var maður himinlifandi með nýja bílinn sem breyttist smátt og smátt og martröð og í rauninni byrjaði það samdægurs þegar ég var farinn út af planinu hjá þeim og var kominn heim með bílinn svaka montinn að sýna gripinn.

 

Ekki byrjaði það vel því hann varð rafgmagnslaus ( eða hvað,  kemur í ljós ) og ég eins og bjáni að verja nýja flotta bílinn minn sem ég hafði fest kaup á fyrir klukkustund eða svo.

Ég fór strax eftir helgi og keypti nýjan rafgemi í bílinn til að athuga hvort þetta myndi ekki lagast en aldeilis ekki, þá kom í ljós að rafkerfið í bílnum var vægast sagt bilað og ekkert sem viðkom rafgeyminum en strax búinn að eyða óþarfa pening í rafgeymaskiptin.

Ég hringdi í Heklu og hann sem seldi bílinn sagðist ætla að redda þessu og ég fékk tíma á verkstæði þar sem eitthvað "skítamix" var gert á bílnum til að "komahonum í gang bara" og það virkaði í nokkrar vikur þangað til hann gaf sig aftur.

Jæja ég hringdi aftur fyrir nokkrum dögum þarna aftur eftir að bíllinn hafði staðið í nokkrar vikur bilaður og það tók þá viku að svara okkur um að koma með bílinn aftur í viðgerð og viðgerðin sjálf tók meira en viku út af vöntun á varahlut í bílinn og þeim datt ekki einu sinni í hug að lána okkur bíl þar sem við vorum bíllaus.

Ég bað þá einnig um að laga pústið á bílnum sem var ónýtt þegar ég keupti bílinn hjá þeim en fattaði það ekki strax en þeir vildu það ekki út af því að viðgerðin á refkerfinu( leyndur galli í bílnum ) kostaði svo hræðilega mikið að þeirra sögn ( 59.000 krónur ) og þar að leiðandi vildu þeir ekki laga pústið á bílnum líka og skildu okkur eftir með það ónýtt.

Eftir að ég fékk loksins bílinn úr viðgerð þá var enn eitt vandamálið komið upp og það nýtt.....þjófavörnin fór alltaf í gang og við þurftum aftur að fara með bílinn á verkstæði og borga brúsann sjálf, þaer sem Hekla vildi ekki gera meira fyrir okkur því þeir voru búnir að koma þessari biluðu druslu á okkur og fegnir að losna við hana.

 

Við spurðum þann sem seldu okkur bílinn hvort hann gæti ekki bara selt hann aftur fyrir okkur og hvað haldið þið.....NEI var svarið.

Svo við höfum það á hreinu eiga allir bílar hjá umboðum að vera söluskoðaðir og í 100 % lagi ( þess vegna kaupir maður nú bíl hjá umboði ) en þessi var það nú aldeilis ekki.

 

Svo ég segi bara.......passið ykkur á bílaþingi Heklu.

 

Get sagt ykkur stutta sögu í lokinn frá vini mínum sem á Toyotu, hann keypti þar Landcruisier og það var einhver gali í honum og viðgerðin kostaði 270.000 krónur og þeir voru ekki lengi að redda þessu fyrir hann að  kostnaðarlausu.

 

Hugsið ykkur tvisvar um áður en þið farið í bílakaup, líka hjá bílaumboðum 

á mbl.is ekki að vera einn virtasti miðill á landinu

mbl.is/Július

Innlent | mbl.is | 22.3.2008 | 19:11

Sex enn leitað vegna árásar í Breiðholti

Að minnsta kosti sex manna er enn leitað í tengslum við húsbrot og líkamsárás í Breiðholti í dag. Samkvæmt upplýsingum lögreglu réðust um tíu menn vopnaðir bareflum og öxum inn í íbúð þar sem hópur manna var fyrir.

Réðust þeir að mönnunum sem fyrir voru í íbúðinni og voru sjö þeirra fluttir á slysadeild til aðhlynningar eftir árásina. Enginn mun vera í lífshættu en nokkrir mannanna eru með slæm sár og beinbrot. 

Í kjölfar árásarinnar flýðu árásarmennirnir af vettvangi í nokkrum bílum og fór lögreglan á höfuðborgarsvæðinu fram á aðstoð lögreglu á Suðurnesjum við að beita þeim eftirför. Einn bíll var stöðvaður við Strandaheiði og voru fjórir menn sem í honum voru handteknir grunaðir um aðild að árásinni.

Annarra árásarmanna er enn leitað en ekki liggur nákvæmlega fyrir hversu margir þeir eru.  Samkvæmt upplýsingum lögreglu er rannsókn málsins á frumstigi og liggja upplýsingar um aðdraganda árásarinnar ekki fyrir.

 

Finnst þetta andskoti margar villur í svo lítilli frétt á eins virtri síðu og www.mbl.is er og ekki er ég að segja að maður sjálfur sé prófessor í stafsetningu og málfræði en þessar villur æptu bara á mann. 

Sex leitað vegna árásar í Breiðholti